Ireo mpianatra an-dakilasy manaraka ny fiofanana hahazoana Diplaoma momba ny Toriteny Manazava ny Hevitry ny Baiboly (DEP) dia tsy maintsy manatrika manontolo ny telovolana rehetra. Ireo mpianatra manaraka ny fiofanana hahazona ny Mari-piofanana momba ny Fianarana Baiboly (BSC), dia tokony hamita ny fandaharam-pianarana mandritra ny taona iray.
Raha misy toe-javatra tsy azo ihodivirana hieritreretan'ny mpianatra iray fa tsy hahavita ny fandaharam-pianarana an-jotra mandritra ny fotoana voatokana ho amin'izany izy, dia tokony hametraka taratasy fangatahana, manazava ny antony manakana azy tsy hiroso amin'ny tanjony izy. Ao aorian'ny fanaraha-maso ataon'ny mpiara-miasa eto amin'ny Seha-pampianarana fitorian-teny 3M, dia mety hahazo fanitarana fe-potoana na tsia ilay mpianatra.
Ny Seha-pampianarana fitorian-teny 3M dia mametraka fe-potoana isan-taona hisoratana anarana ho an'ny taom-pianarana manaraka. Haharay mailaka (na antso an-tariby) mamaritra ny andinindininy mikasika ny fisoratana anarana (ao anatin'izany ny fandaharam-pianarana, torolalana, sy izay mety ho fampatsiahivana hafa) ny mpianatra tsirairay. Tsy tontosa ny fisoratana anarana raha tsy voahefa avokoa ireo sarany takiana, eo anivon'ny birao misahana ny ara-bolan'ny mpianatra.
Alaivo, fenoy ary avereno aty aminay, miaraka amin'ireo taratasy hafa rehetra takiana ho fisoratana anarana :
| Telovolana | Fanombohana | Famaranana |
| Telovolana 1 | 14 Aogositra 2023 | 10 Novambra 2023 |
| Telovolana 2 | 13 Novambra 2023 | 9 Febroary 2024 |
| Telovolana 3 | 12 Febroary 2024 | 10 May 2024 |
| Fanadinana Fanomanana | 13-31 May 2024 | |
| *Herinandron'ny Fanadinana Farany | 3-7 Jona 2024 | 3-7 Jona 2024 |
*Fanamarihana: Takiana ny fahombiazana amin'ny fanadinana hahazoana ny BSC, mba hahafana miroso amin'ny fiofanana an-toerana hahazoana ny DEP.
| Telovolana | Fanombohana | Famaranana |
| Telovolana 1 | 19 Aogositra 2024 | 8 Novambra 2024 |
| Telovolana 2 | 11 Novambra 2024 | 7 Febroary 2025 |
| Telovolana 3 | 10 Febroary 2025 | 9 May 2025 |
| Fanadinana Fanomanana | 12-30 May 2025 | 12-30 May 2025 |
| *Herinandron'ny Fanadinana Farany | 2-6 Jona 2025 | 2-6 Jona 2025 |
*Fanamarihana: Takiana ny fahombiazana amin'ny fanadinana hahazoana ny BSC, mba hahafana miroso amin'ny fiofanana an-toerana hahazoana ny DEP.
| Telovolana | Fanombohana | Famaranana |
| Telovolana 1 | 19 Aogositra 2024 | 25 Oktobra 2024 |
| Fiatoana: 28 Oktobra 2024 - 8 Novambra 2024 | ||
| Telovolana 2 | 11 Novambra 2024 | 7 Febroary 2025 |
| Fiatoana mandritra ny Krismasy: 16 Desambra 2024 - 1 Janoary 2025 | ||
| Telovolana 3 | 10 Febroary 2025 | 9 May 2025 |
| Fiatoana: 3-14 Marsa 2025 | Fiatoana: 3-14 Marsa 2025 | Fiatoana: 3-14 Marsa 2025 |
| Fanadinana Fanomanana | 12-30 May 2025 | |
| *Herinandron'ny Fanadinana Farany | 2-6 Jona 2025 |
*Fanamarihana: Takiana ny fahombiazana amin'ny fanadinana hahazoana ny BSC, mba hahafana miroso amin'ny fiofanana an-toerana hahazoana ny DEP.
Noho ny toe-javatra tsy azo ihodivirana, dia mety voatery ny mpianatra iray hiala an-daharana ka tsy hanohy ny fianarany ato amin'ny Seha-pampianarana fitorian-teny 3M, eny antenantenan'ny telovolana fiofanana. Ny fialana an-daharana rehetra dia mitaky ny fankatoavan'ny Tonian'ny Fampianarana. Vao vantany vao nahazo fankatoavana ny fialana an-daharana, dia mety hisitraka famerenam-bola amin'ny ampahany ny mpianatra iray.
Ny andinindininy dia afaka vakiana ao amin'ny Famerenam-bola izay ao ambanin'ny fizarana misy ny Momba ny Ara-bola etsy ambony. Ireo mpianatra miala an-daharana kanefa tsy nahazo fankatoavana avy amin'ny Tonian'ny fampianarana dia tsy afaka hisitraka famerenam-bola.
MG 
EN 
FR