Madagascar 3M dia mitady ny hamantatra, hampiofana ary hampitao lehilahy ho an'ny asan'Andriamanitra. Ny 3M dia manondro teny 3: "Mpitoriteny-Mpitandrina-Mpanompo". Mitady ny hanofana lehilahy izahay, hahatongavany ho mpitoriteny miorina mafy amin'ny tenin'Andriamanitra, mpiandry ondry mahatoky hitandrina ny ondrin'Andriamanitra ary mpanompo manetry tena an'i Kristy.
Ny Seha-pampianarana Fitorian-Teny 3M (SFT-3M) dia mikendry ny hampiofana mpanazava mahatoky ny Tenin’Andriamanitra. Izy io dia manolotra fampianarana ara-baiboly, ara-teolojia ary miompana ho matihanina natao hampitaovana ny lehilahy ho amin’ny fahombiazana eo amin’ny asa fanompoana kristiana ho an’ny tenan’i Kristy maneran-tany, miainga voalohany indrindra eo anivon’ny fiangonana eo an-toerana.
Ny Seha-pampianarana fitorian-Teny 3MPI dia mikatsaka ny mba hotarihin'ny filozofiam-panabeazana mifanaraka amin'ny Soratra Masina, amin'ny alalan'ny:
Fifantohana lalina amin'ny fahazoana antoka ara-Baiboly, fa tsy fisalasalana na teoria
Fikelezana aina ny mba handrafitra fiainam-panahy ho an'ny mpianatry ny Seha-pampianarana Fitorian-Teny 3M (TFT-3M) fa tsy fahalalinan-tsaina avara-pianarana fotsiny
Fanomanana ny lehilahy ho tonga mpanompo ny Tompo, fa tsy ny hahalala ny Tompo fotsiny
Fanasongadinana fomba fianarana ny Soratra Masina amina fomba manara-drafitra sy feno fifehezana fa tsy amin’ny fomba tandrametaka na ala safay
Fampirisihana ny fanomezana ny tsara indrindra hatrany mba hioty vokatra mamiratra ary tsy manaiky velively ny vokatra ratsy na zara fa afaka
Fianteherana amin'ireo mpampianaratra mba ho ohatra fakan-tahaka fa tsy ho manam-pahaizana manokana fotsiny
Fanizingizinana ny tsy maintsy hiasana ao anatin'ny tenan’i Kristy, fa tsy amin’ny maha-olon-tokana misingana irery
AN-JOTRA, MIALOHA NY FIOFANANA AN-DAKILASY
FIOFANANA AN-DAKILASY
Raha misy fanontaniana tianao apetraka, dia aza misalasala mifandray aminay.
Seha-pampianarana Fitorian-Teny Madagasikara 3M (TFT-3M)
Lot VB8 Bis D Ambatoroka
Antananarivo 101
Madagasikara
MG 
EN 
FR